ក្នុងកិច្ចសម្ភាសនៅស្ថានីយទូរទស្សន៍ PNN ព្រឹកថ្ងៃព្រហស្បតិ៍ទី៤ខែសីហាឆ្នាំ២០១៦នេះ គ្រូបង្គោលក្រុមជម្រើសជាតិកម្ពុជាបានចុចឈ្មោះកីឡាករ៣១នាក់ក្នុងចិត្តរួចហើយសម្រាប់ប្រមូលផ្ដុំហ្វឹកហាត់ត្រៀមទៅមិត្តភាពជាមួយកោះហុងកុងនៅថ្ងៃទី១ខែកញ្ញា។ យ៉ាងណាក្ដី គ្រូសញ្ជាតិកូរ៉េខាងត្បូងរូបនេះមិនទាន់បញ្ចេញឈ្មោះកីឡាករទាំងនោះនៅឡើយទេ ហើយអ្វីៗអាចនឹងប្រែប្រួលខ្លះនៅពេលថ្ងៃប្រកួតជិតចូលមកដល់។ ស្របពេលកីឡាករនីមួយៗកំពុងផ្ដោតលើការជួយក្លិបរបស់ពួកគេក្នុងលីគកំពូលកម្ពុជា ការប្រមូលផ្ដុំហ្វឹកហាត់នឹងធ្វើឡើងតែ១សប្ដាហ៍មុនការប្រកួតជាមួយហុងកុង ប៉ុណ្ណោះ និងជម្រុះយក២២នាក់ធ្វើដំណើរទៅកោះស្វ័យយ័តរបស់ចិនមួយនេះនៅថ្ងៃទី៣០ខែសីហា មុនដល់ថ្ងៃប្រកួតនៅថ្ងៃទី១ខែកញ្ញា៕ អត្ថបទ៖ ប៊ុនតឺម រូបថត៖ FFC
No comments:
Write comments